Putinin ABŞ hücumundan qorunmaq üçün 6 silahı – Video

Rusiya Prezidenti Vladimir Putin Federal Məclisdə çıxışı zamanı ölkəni qorumaq üçün istifadə ediləcək 6 üsulu açıqlayıb.

Teleqraf.com xarici mediaya istinadla xəbər verir ki, o, bu üsulların Rusiyanı ABŞ silahlarından maksimum dərəcədə qorumaq qabiliyyətinə malik olduğunu deyib.

O bildirib ki, Amerika Birləşmiş Ştatlarının raket əleyhinə müdafiə sistemlərinin məhdudlaşdırılması haqqında müqavilədən çıxması barədə qərarı Rusiyanı öz ərazilərinin təhlükəsizliyi barədə düşünməyə vadar edib.

1-ci üsul: Nüvə başlıqlı qanadlı raketlər

Kiçik qabaritli çox güclü nüvə raketi hava hücumundan müdafiə qurğularından asalıqla yayına və istənilən məsafəyə uça bilir. Putinin sözlərinə görə, qitələrarası ballistik raket sahəsində Rusiya ilə mübarizə mümkün deyil.

2-ci üsul. Rusiyanın “Samrat” raket kompleksi

Bu komplekslər Sovetlər tərəfindən ixtira edilən “Voevoda” P-36M2 komplekslərini əvəz edəcək. Rusiya prezidenti qeyd edib ki, heç bir hava hücumundan müdafiə sistemi Rusiya raket kompleksi üçün maneə deyil.

3-cü üsul. Qitələrarası sualtı pilotsuz aparat

Rusiya qitələrarası sualtı pilotsuz aparat yaratmaqla dünya okeanında öz mövqeyini daha da möhkəmləndirib. Putin bildirib ki, bu gün bu aparata qarşı istifadə edilə biləcək hər hansı silah yoxdur.

4-cü üsul. “Xəncər” hipersəsli raket kompleksi

Bu kompeks 2017-ci il dekabrın 1-dən Rusiyanın Cənub hərbi dairəsinin aerodromlarında fəaliyyətə başlayıb. Putinin açıqlamasına görə, unikal texniki xarakterli daşıyıcı təyyarə raketin bir neçə dəqiqəyə lazımı nöqtəyə çatdırılmasına imkan verir. Bu kompleksin də dünyada analoqu yoxdur.

5-ci üsul. “Avanqard” kompleksi

Putin çıxışı zamanı Rusiyanın daha bir yeni strateji silahını təqdim edib. “Avanqard” raketləri atmosferin sıx qatlarında çox sürətlə hərəkət etmək gücünə malikdir.

6-ci üsul. Lazer silahı

Bəzi ölkələr bu silahların yeni fiziki prinsiplər əsasında hazırlanması üzərində işləyir. Rusiya da həmçinin bu ölkələrdən biridir. Putin qeyd edib ki, ötən ildən Rusiya ordusuna lazer silahları təqdim edilib.

Putin əlavə edib ki, Rusiya silah sistemlərinin təkmilləşdirilməsi ilə məşğul olmağı davam etdirəcək.