Londondan Ərdoğana dəstək gəldi– Qaşqıçı məsələsi

Türkiyə Prezidenti Rəcəb Tayyib Ərdoğanın səudiyyəli jurnalist Camal Qaşıqçının ölümü ilə bağlı bəyanatı bu qətl üzrə sualların qaldığını təsdiqləyir.

Teleqraf.com xəbər verir ki, bunu Böyük Britaniya Baş nazirinin dəftərxanasından bildiriblər.

“Ərdoğanın bu gün səhərki bəyanatı bu ölüm işi ilə bağlı sualların qalması faktını təsdiqləyir. Bu suallara ancaq səudiyyəlilər cavab verə bilərlər”, – deyə Tereza Meyin dəftərxanasının rəsmi nümayəndəsi bəyan edib.

Qeyd edək ki, Rəcəb Tayyib Ərdoğan bir qədər öncə Türkiyənin Camal Qaşıqçının qətlə yetirilməsinə dair Səudiyyə Ərəbistanı hakimiyyətinin izahatının qaneedici olmadığını bildirib. O, əlavə edib ki, səudiyyəlilərin bəyanatına baxmayaraq onun əldə etdiyi məlumata görə, qətl əvvəlcədən planlaşdırılıb.