Putinin gizli təyyarəsinin şəkilləri yayıldı - 15 yaşlı uşağın çəkdikləri...

Rusiya Prezidenti Vladimir Putinin gizli təyyarəsi 15 yaşlı Arslan Kaipkulov tərəfindən görüntülənib.

Teleqraf.com xəbər verir ki, o, “İlyushin İI-96-300” model təyyarəni gəzərək lentə alıb.

Rusiyada xəstə uşaqların xəyallarını reallaşdırmaq ı məqsədinə xidmət edən “Dream Vith Me” proyekti çərçivəsində Arslan Kaipkulovun prezident təyyarəsində gəzməsinə imkan yaradılıb.

15 yaşlı oğlan Putinin ona hədiyyə etdiyi kamera vasitəsilə təyyarədən müxtəlif görüntülər çəkib.

Ziyarətdən əvvəl dövlət başçısı Arslan Kaipkulovla əlaqə saxlayaraq onunla şəxsən danışıb. Putinin xüsusi təyyarəsini görmək xəyalında olduğunu deyən Arslan Kaipkulov bildirib ki, yaxın zamanlarda təyyarə ziyarətinə dair 15-20 dəqiqəlik video-material yayacaq.

Qeyd edək ki, şəkillər xüsusi təyyarənin içindən çəkilib. Fotolarda təyyarənin bir neçə geniş salondan ibarət olduğu görünür.