Bölgədə gərginlik böyüyür – ABŞ və Çin donanması üz-üzə

ABŞ və Çin arasındakı Cənubi Çin dənizi gərginliyi yenidən qızışıb.

Teleqraf.com xəbər verir ki, ABŞ hərbi donanmasına məxsus iki döyüş gəmisinin münaqişəli əraziyə yaxınlaşması Çin tərəfindən təxribat adlandırılıb.

Məlumatda iki Amerika gəmisinin Spratli adalarının 12 dəniz mili yaxınına gəldiyi bildirilib.

Çin xarici işlər naziri Genq Şuanq açıqlama yayaraq, ABŞ-ın bu həmləsini Çinin suverenliyinə qarşı təhdid olduğunu bildirib və bölgədə qarşıdurma riskini artırdığını vurğulayıb. Bu addımı təxribat adlandıran çinli nazir gəmilərin dərhal bölgədən uzaqlaşdırılmasını tələb edib.

Cənubi Çin dənizi üzərində artan gərginliyin ABŞ və Çin arasında ticarət savaşının yeni mərhələsi kimi qiymətləndirilir.