Hələb bombalandı - Yaralılar var

Suriyanın Hələb şəhəri terrorçular tərəfindən raket atəşinə tutulub.

Teleqraf.com-un məlumatına görə, Hələb şəhərinin Masakin əs-Səbil və Dauar əş-Şixan rayonlarının atəşə tutulması nəticəsində altı dinc sakin yaralanıb.

Həmin rayonlar şəhərin şimal-qərbində yerləşir.

Qeyd edilir ki, Suriya hökumətinin ordusu atəşə cavab olaraq, "Kafr Nabuda" şəhəri istiqamətində silahlıların mövqelərinə hücum edib. Bildirilir ki, ordu, həmçinin əl-Latmana, Kafr-Zeyta, Xan-Şeyxun və bir sıra rayonlara zərbə vurub.