Bu gündən etibarən… - Rusiyadan şok Gürcüstan qərarı

Bu gündən etibarən Rusiya və Gürcüstan arasında təyyarə uçuşları dayandırılıb.

Teleqraf.com xəbər verir ki, bu barədə Rusiyanın nəqliyyat naziri Yevgeni Ditrix açıqlama verib.

Nazir iki ölkə arasında sonuncu təyyarə reysinin iyunun 7-də həyata keçirildiyini bildirib.

Ditrix qeyd edib ki, uçuşların dayandırılmasına görə Rusiya hava yolları şirkətlərinə 3 milyard rubl zərər dəyib. O, səfərləri ləğv edilmiş sərnişinlərə kompensasiyaların ödəniləcəyini deyib.

Reyslər qeyri-müəyyən vaxtadək dayandırılıb.

Əlavə edək ki, Rusiya hökuməti Gürcüstanda Moskva əleyhinə etiraz aksiyalarının başlamasından sonra bu ölkə ilə təyyarə reyslərinin dayandırılması haqda qərar qəbul etmişdi.