İran yeni raket sınağı keçirdi – Pentaqondan açıqlama

İran orta mənzilli ballistik raket sınağı keçirib.

Teleqraf.com xəbər verir ki, məlumatı ABŞ-ın CNN televiziya kanalı Pentaqon rəhbərliyində təmsil olunan yüksək çinli hərbçiyə istinadla yayıb.

Məlumata görə, dünən İranın cənub ərazilərində raket sınağı keçirilib.

300 kilometr mənzil qət edən Şahab-3 raketi ölkənin güneyindən atılıb və 965 kilometr qət etdikdən sonra Tehran yaxınlığında çöllük əraziyə düşüb.

Pentaqondakı qaynaq əlavə edib ki, Şahab-3 model raketləri ABŞ-a və onun hərbi hissələrinə təhdid yaratmır, ancaq bu kimi sınaqlar ballistik raketlərin mənzili və keyfiyyətini artırmağa xidmət edir.

İran tərəfi bu xəbərlərə münasibət bildirməyib.