Kılçdaroğlundan şok Ərdoğan açıqlaması: “Cibində Trampa apardığı o şey...”

“Prezident Rəcəb Tayyib Ərdoğanın ABŞ səfəri heç bir nəticə verməyəcək”.

Teleqraf.com xəbər verir ki, bunu Türkiyənin müxalifətdə olan Cümhuriyyət Xalq Partiyasının (CHP) sədri Kamal Kılıçdaroğlu deyib.

CHP başçısı ABŞ Prezidenti Donald Trampın Ərdoğana təhqiramiz məktubuna da toxunub:

“Ərdoğan Vaşinqtona məktubu qaytarmaq üçün gedir. Bəs Tramp məktubu ona öz əli ilə vermişdi? Səfirin vasitəsilə göndərmişdi. Əgər buna cavab vermək istəyirsənsə, səfiri çağır, ver ona. Amma Ərdoğan məktubu cibinə qoyub Amerikaya gedir. Halbuki həmin məktubda Ərdoğanın timsalında bütün xalq təhqir edilir, amma kimsə səsini çıxarmır.

“Məktubu ona qaytaracağam” deyir. Bununla da demək istəyir ki, “Tramp məndən üstündür, ABŞ Türkiyədən üstündür”.