18 Noyabr 20:26
1 114

Fransa Prezidenti Emmanuel Makron Ermənistanın sabiq prezidenti Robert Köçəryanın vəkili Sevak Torosyan məktubuna cavab verib.

Teleqraf.com xəbər verir ki, bu barədə Fransadan qayıdan vəkil jurnalistlərə açıqlamasında məlumat verib.

Onun sözlərinə görə, keçmiş prezidentin məhkəmə prosesi ilə yalnız Ermənistanda deyil, xaricdə də maraqlanırlar: “Yaxın vaxtlarda mən bir il ərzində baş verən hadisələrin təsvir olunduğu məktubu Fransa Prezidenti Emmanuel Makrona göndərdim. Məktubun nəticələri artıq mənə aid deyil. Bu, diplomatiya məsələsidir. Heç bir ay keçmədi və mən prezident Makrondan cavab aldım”.
Fransalı vəkil vurğulayıb ki, məktubda Fransada Köçəryanın işi üzrə məhkəmə prosesinin diqqətlə müşahidə edildiyi qeyd olunub.


Müəllif: Nərgiz