Durum dəyişir: “Nə Ərdoğan, nə də Putin...” – İdlibdə gözlənilən savaş

“Rusiya-Türkiyə münasibətləri tərəflər üçün əlverişli deyil. Hesab edirəm ki, Əsəd Rusiyanın icazəsi olmadan razılaşmanın pozulmasına yol verməzdi. Buna görə də İdlibdə öz maraqları olan Türkiyədən reaksiya gəldi. Bu şərtlərdə razılaşmaq mümkün deyil”.

Teleqraf.com xəbər verir ki, bunu rusiyalı politoloq Aleksey Malaşenko deyib.

“Ancaq heç kim birbaşa toqquşmaya ehtiyac duymur - nə Putin, nə də Ərdoğan. Şəxsi görüşlərinin nəticə verməyəcəyini bildikləri üçün də Almaniya və Fransanın iştirakı ilə zirvə görüşü barədə qərar qəbul edildi. Bu həm Rusiya, həm Türkiyə, həm də ortaq problemin həllində iştirak edən Avropa üçün faydalıdır. Status-kvonun qorunması üçün razılaşma olacaq. Sammit Suriyada birbaşa hərbi qarşıdurmanın olmayacağına dəlalət edir”, - ekspert qeyd edib.

Bundan əvvəl Türkiyə Prezidenti Tayyib Ərdoğan Suriya ilə bağlı zirvənin 5 mart tarixində İstanbulda olacağını açıqlayıb.