İranda koronavirusdan ölənlərin sayı artıb

İranda bu günədək (8 mart) yeni koronavirusa (COVID-19) yoluxma nəticəsində 194 nəfər dünyasını dəyişib.

Teleqraf.com-un məlumatına görə, bunu İranın Səhiyyə, Müalicə və Tibbi Təhsil Nazirliyinin mәtbuat xidmәtinin müdiri Kiyanuş Cahanpur deyib.

K.Cahanpurun sözlərinə görə, ötən sutka ərzində 49 nəfər bu virus nəticəsində ölüb.

Cahanpur əlavə edib ki, ötən sutka ərzində 743 nəfər bu virusa yoluxub və ümumilikdə virusa yoluxanların sayı 6 566 nəfərə çatıb.

Nazirlik rәsmisi 2 134 nәfәrin sağaldığını deyib.