“Paşinyan vəzifəsindən sui-istifadə edərək…” – Şok ittiham

Ermənistan Baş naziri Nikol Paşinyan seçki kampaniyası məqsədilə Sünik rayonuna getmək üçün dövlət vertolyotundan istifadə etdi. Amma o, həmin hüquqa malik deyildi”.

Teleqraf.com xəbər verir ki, bunu aprelin 5-də keçiriləcək referendum əleyhinə qurulmuş “Xeyr” qərargahının nümayəndəsi, hüquq müdafiəçisi Ruben Melikyan deyib.

O, Ermənistan Baş nazirinin ciddi qanun pozuntusuna yol verdiyini bildirərək, vəzifəsindən sui-istifadə etməkdə ittiham edib:

“Bu gündən etibarən Nikol Paşinyan məzuniyyətdədir və özünün dediyinə görə, təşviqatla məşğul olacaq.

Amma bir sual var: Ermənistan vətəndaşı Nikol Paşinyan təşviqat məqsədi ilə Sünik bölgəsinə getmək üçün dövlət vertolyotundan istifadə etmək hüququna malikdirmi? Aydındır ki, yox”.

Hörmətli vətəndaşlar, baş verən qanun pozuntularına nə vaxt “Xeyr” deyəcəksiniz?”.