Koronavirusu ABŞ yayıb? - Trampdan açıqlama

ABŞ prezidenti Donald Tramp Birləşmiş Ştatların dünyada koronavirusun yayılmasında iştirakı haqqında xəbəri yalan adlandırıb.

Teleqraf.com xəbər verir ki, Tramp "Bizim hərbçilərimiz heç kəsə koronavirus yoluxdurmayıb", - deyə qeyd edib.

Tramp vurğulayıb ki, yeni virus Çindən yayılmağa başlayıb.

Martın 12-də Çinin Xarici İşlər Nazirliyinin rəsmi nümayəndəsi Çjao Liszyan ehtimal edib ki, ölkə ərazisinə COVID-19-u ABŞ hərbçiləri gətiriblər. Diplomat Vaşinqtonu ABŞ-da əvvəllər də güman olunan koronavirusdan ölüm hallarının qeydə alındığını açıqlayan araşdırmaların şərhlərini aydınlaşdırmağa çağırıb.

Bundan başqa, İran siyasətçiləri də iddia edirlər ki, COVID-19 ABŞ-ın istehsalıdır.

Qeyd edək ki, ABŞ-da koronavirusdan ölənlərin sayı 105 nəfərə çatıb. Ölkədə virusa 6 233 yoluxma halı qeydə alınıb, 17 nəfər sağalıb.