3 İyun 11:31
772

Hüquq mühafizə orqanları COVİD-19 səbəbindən küçəyə çıxmamaq qadağasına əməl etməyən 15 mülki şəxsi öldürüb.

Teleqraf.com xəbər verir ki, hadisə Keniyada baş verib.

Daxili İşlər naziri Anne Makori 15 mülki şəxsin polis tərəfindən güllələnməsini təsdiq edib.

Ölkədə 31 mülki insanın polis işgəncəsinə məruz qaldığını qeyd edən Makori əlavə edib ki, mart ayından bu yana polisə qarşı 81 şikayət qeydə alınıb.

Nazir əlavə edib ki, hadisəni araşdırmaq üçün xüsusi qrup yaradılıb.

Qeyd edək ki, Keniyada virusla əlaqədar olaraq axşam saat 19:00-dan səhər saat 05:00-a qədər küçəyə çıxmaq qadağandır.

Kenyada indiyə qədər 2100 nəfərdə COVİD-19 müəyyən edilib, 71 nəfər isə virusdan vəfat edib.


Müəllif: Cavad