Dünya üzrə yeni rekord: Sayı 27 milyonu ötdü

Dünya üzrə yeni növ koronavirus infeksiyası – COVID-19-a yoluxanların ümumi sayı 27 002 224 nəfərə çatıb.

Teleqraf.com xəbər verir ki, bu barədə Cons Hopkins Universitetinin məlumatında bildirilir.

Ölənlərin ümumi sayının 882 053 nəfərə çatdığı qeyd olunur. Pandemiya başlayandan bəri dünyada 18 054 580 pasient koronavirusdan sağalıb. COVID-19 virusuna ən çox yoluxma halı ABŞ-da qeydə alınıb – 6 275 614 nəfər.

Bundan əvvəl ABŞ Prezidenti Donald Trampın müşavirə zamanı ölkənin səhiyyə orqanlarından COVID-19 koronavirus infeksiyasına qarşı peyvəndin hazırlanması işini sürətləndirməyi tələb etdiyi məlum olmuşdu.