Türkiyədə karantin rejimi sərtləşdirilir

Türkiyədə koronavirusa yoluxma hallarının yenidən çoxalması ilə əlaqədar karantin rejimi sərtləşdirilib.

Teleqraf.com-un məlumatına görə, bu gündən etibarən ölkənin 81 vilayətində kafe və restoranlar, bərbərxanalar, teatr, kinoteatr və konsert zalları saat 22:00-dək işləyəcək.

Karantin rejimninin davam edəcəyi müddət qeyd edilməyib.

Bundan başqa, karantin müddətində iş vaxtının müxtəlif saatlarda başlaması nəzərdə tutulur. Yollarda sıxlığın qarşısının alınması üçün iş saatlarının 06.00­-15.00, 06.30­-15.30, 07.00­-16.00, 07.30­-16.30, 08.00­-17.00, 08.30­-17.30, 09.00­-18.00 saatlarına keçirilməsi tövsiyə olunur.

Qeyd edək ki, bu günədək Türkiyədə 382 mindən çox şəxs koronavirusa yoluxub, 10 481 nəfər ölüb.