İsrail ordusu Qəzzaya hava zərbələri endirdi

İsrail Qəzzaya hava zərbələri endirib.

Teleqraf.com xəbər verir ki, hadisə şahidləri İsrail qırıcılarının Refah şəhərinin şərqindəki Matar bölgəsində əkin sahələrinə 2 dəfə hücum təşkil etdiyini iddia ediblər.

Qırıcılar Qəzzanın şimal şərqindəki Cebel er-Rays bölgəsindəki hədəflərə də iki raket zərbəsi endirib.

İsrail ordusu bəyan edib ki, Qəzzada Həmasa aid raket məntəqələrinə və yeraltı tünellərə zərbələr endirib.

Ordu əlavə edib ki, bu hücum Qəzzadan İsrailə atılan raket mərmilərinə cavab olaraq həyata keçirilib.