Britaniyada Hindistan ştammı artmaqda davam edir

Böyük Britaniyada koronavirusun Hindistan ştammına (Delta variantına) yoluxma artmaqda davam edir.

Teleqraf.com xəbər verir ki, ölkədə son 24 saat ərzində 24 min 248 nəfər koronovirusa yoluxub, 18 nəfər isə həyatını itirib.

Bununla bərabər əmlak naziri Robert Jenrik COVID-19 ilə əlaqəli yeni tətbiqetmələrin iyulun 19-da açıqlanacağını və artıq maska taxmağın seçim olacağını bildirib.

Nazir ölkədə COVID-19-a qarşı surətləndirilmiş peyvənd kampaniyası başa çatdıqdan sonra qapalı və ya açıq ərazilərdə maska taxma öhdəliyinin qaldırılacağını söyləyib.

Qeyd edək ki, ölkədə 33 milyon nəfərə peyvəndin 2 dozası, 44 milyon nəfərə isə 1 dozası vurulub.