Konordan Həbib haqda şok sözlər: “Siçovul kimi qaçır...”

İrlandiyalı MMA döyüşçüsü Konor Makqreqor rusiyalı həmkarı Həbib Nurməhəmmədovu siçovulla müqayisə edib.

Teleqraf.com xəbər verir ki, o, bu barədə İnstaqramda yazıb.

Onun fikrincə, rusiyalı həmkarı idmana heç nə qazandırmayıb:

“Siçovul kimi quyruğunu ayaqları arasında tutub qaçdığına görə təəccüblənmirəm. Artıq maraqlı deyil”.

Konor artıq Həbiblə maraqlanmadığını söyləyib.

Makqreqor 2018-ci ilin payızında keçirilən döyüşdə Nurməhəmmədova məğlub olub.

Rusiyalı döyüşçü karyerasını başa vurub. O, 29 döyüşün hamısında qələbə qazanıb. Makqreqor isə keçirdiyi 27 döyüşün 22-də qələbə qazanıb, beş dəfə məğlub olub.

İrlandiyalı iyulun 11-də Dastin Poryerlə döyüşəcək.