Türkiyənin Əfqanıstandakı səfirliyi işini davam etdirəcək - Çavuşoğlu

Türkiyənin Əfqanıstandakı səfirliyi Kabildəki vəziyyətə baxmayaraq fəaliyyətini davam etdirir.

Teleqraf.com xəbər verir ki, bunu Türkiyənin xarici işlər naziri Mövlud Çavuşoğlu "Anadolu" agentliyinə açıqlamasında deyib.

Onun sözlərinə görə, rəsmi Ankara Türkiyənin Əfqanıstandakı diplomatik nümayəndəlikləri ilə bağlı bütün lazımi tədbirləri görüb, Türkiyənin Kabildəki səfirliyi fəaliyyətini davam etdirir.

Nazir bildirib ki, səfirlik Əfqanıstanı tərk etmək istəyən Türkiyə vətəndaşlarına lazımi köməyi göstərməyə hazırdır.