Litvanın xarici işlər naziri istefa verdi

Litvanın xarici işlər naziri Qabrielyus Landsbergis istefaya dair rəsmi məktub təqdim edib.

Teleqraf.com xəbər verir ki, nazir bu addımı Belarus məhsullarının Litva ərazisindən tranziti ilə bağlı nüfuzuna xələl gətirdiyinə görə atıb.

“ABŞ-ın tətbiq etdiyi sanksiyalardan sonra Belarus mallarının Litva ərazisindən davamlı daşınması ilə bağlı mövcud vəziyyət və bunun hökumət üçün problem yaratdığını anlayaraq istefa ərizəmi qəbul edin və məni vəzifədən azad edin”, - məktubda deyilir.

Litvanın baş naziri gələn həftə istefa ilə bağlı qərar qəbul edəcəyini deyib.