Rusiyadan Navalnı ilə bağlı şok qərar – “Terrorçu” elan edildi

Həbsdə olan rusiyalı müxalifətçi Aleksey Navalnı Rusiyada terrorizm və ekstremizmlə əlaqəsi olan şəxslər siyahısına daxil edilib.

Teleqraf.com xəbər verir ki, Rusiya Federal Maliyyə Monitorinqi Xidmətinin dərc etdiyi siyahıda ölkədə terrorizm və ekstremizmlə əlaqəsi olduğu iddia edilən şəxslər və qurumlar haqqında məlumatlar yer alıb.

Navalnının da yer aldığı siyahıda onunla əməkdaşlıq edən digər müxalifətçilər də var.

Rusiya İstintaq Komitəsi 2021-ci il oktyabrın 20-də Navalnıya qarşı “ekstremist birlik yaradaraq ona rəhbərlik etdiyi” iddiası ilə istintaq başladıldığını açıqlamışdı.