Rusiyanın paytaxta hücumu - Kiyevdə hərbi hissə vuruldu

Xilasedicilər paytaxt Kiyevdə hərbi hissədə baş vermiş yanğını söndürürlər, zərərçəkənlər var.

Teleqraf.com xəbər verir ki, bu barədə Ukrayna Fövqəladə Hallar Nazirliyi məlumat yayıb.

Səhər saatlarında FHN-ə paytaxtın Desnyanski rayonundakı hərbi hissənin ərazisində yanğın baş verməsi barədə məlumat daxil olub.

Yanğın hərbi hissənin 4 mərtəbəli inzibati binasında baş verib: 3-cü və 4-cü mərtəbələr tamamilə yanıb, 1-ci və 2-ci mərtəbələrə ziyan dəyib. Yanğın ikinci korpusa sıçrayıb.

Binanın Ukraynaya hücum edən Rusiya hərbi qüvvələri tərəfindən vurulduğu ehtimal edilir.