10 “Javelin” raket sistemi ələ keçirildi - Rus general

“Rusiya Hərbi Hava Qüvvələrinin bölmələri Quta-Mejiqorskaya qəsəbəsi ərazisində millətçilərin və əcnəbi muzdluların qalası ilə yanaşı, 10 “Javelin” raket sistemi və digər silahları ələ keçirib”.

Teleqraf.com xəbər verir ki, bu barədə jurnalistlərə Rusiya Müdafiə Nazirliyinin rəsmi nümayəndəsi, general-mayor İqor Konaşenkov bildirib.

“Martın 14-də axşam saatlarında Quta-Mejiqorskaya kəndi ərazisində Rusiya Hərbi Hava Desant Qüvvələrinin bölmələri millətçilərin və xarici muzdluların qalasını ələ keçirib. Rusiya desantları Amerika istehsalı olan 10 ədəd “Javelin” tank əleyhinə raket kompleksini və Qərb ölkələrinin Ukraynaya verdiyi bir sıra digər silah növlərini götürüb”, - Konaşenkov bildirib.

Onun sözlərinə görə, ələ keçirilən bütün “Javelin” tank əleyhinə sistemlər və digər xarici silahlar separatçı Donetsk və Luqansk rejimlərinə verilib.