Ruslar yenidən Kiyevi bombaladı - Ölənlər var

Paytaxt Kiyevi raket və hava hücumu olub, nəticədə hündürmərtəbəli bina dağıdılıb.

Teleqraf.com xəbər verir ki, hücum nəticəsində bir nəfər ölüb, üç nəfər yaralanıb.

Məlumata görə, paytaxta atılan raket havada vurulub və onun qalıqları hündürmərtəbəli binada dağıntılara və yanğına səbəb olub.

Ukrayna Fövqəladə Hallar Xidməti bildirib ki, bu gün səhər saat 05:02-də paytaxtın Darnitski rayonunda yaşayış binasında yanğın və 16-cı və texniki mərtəbədəki konstruksiyaların dağılması barədə məlumat daxil olub. Eyni zamanda 16-cı mərtəbədəki mənzillərdə yanğın olub.

Xilasedicilər yanğını söndürməyə müvəffəq olublar. 11-ci və daha yuxarı mərtəbələrdəki mənzillərin sakinləri təxliyə edilir, tikililərin sökülməsi və insanların axtarışı üçün xilasetmə işləri aparılır.

İlkin məlumata görə, 30 nəfər yerindəcə təxliyə edilib, onlardan üçü xəsarət alıb, bir nəfər ölüb.