Ruslar hücumdan müdafiəyə keçdi, tapşırıqlar icra olunmur - General Jirnov

“Bəzi bölgələrdə ruslar hücumun intensivliyini azaldaraq müdafiəyə keçib”.

Teleqraf.com xəbər verir ki, bunu Kiyev hərbi administrasiyasının rəhbəri general Nikolay Jirnov bəyan edib.

O, əlavə edib ki, Kiyev vilayətindəki rus işğalçıları komandanlığın əmrlərini yerinə yetirə bilmirlər.

“Düşmən hücumdan müdafiəyə keçib, çünki işğalçı əsgərlər şəxsi heyətin böyük itkiləri və xəsarətləri ilə bağlı döyüş tapşırıqlarını yerinə yetirə bilmirlər”, - Jirnov bildirib.

O, əlavə edib ki, müəyyən ərazilərdə işğalçılar hücumun intensivliyini azaldaraq müdafiəyə keçiblər.