Ukraynada amansız döyüşlər gedir: Ruslar bu əraziləri ələ keçirmək istəyir

Rusiya qoşunları Mariupolun infrastrukturunu məhv etməkdə davam edir, Mariupoldakı “Azovstal” metallurgiya zavodunu ələ keçirməyə çalışırlar.

Teleqraf.com xəbər verir ki, bu barədə Daxili İşlər Nazirliyi rəhbərinin müşaviri Vadim Denisenko milli telemarafonun efirində bildirib.

Onun sözlərinə görə, terrorçular faktiki olaraq metallurgiya zavodunu məhv ediblər:

“Mariupolda vəziyyət fəlakətlidir, indi “Azovstal” uğrunda döyüşlər gedir. Mövcud məlumatlara əsasən deyə bilərik ki, biz bu iqtisadi nəhəngi itirmişik, Avropanın ən böyük zavodlarından biri faktiki olaraq məhv edilir”.