Hücuma keçən rus ordusuna əks həmlə - Ağır itki verərək geri çəkildi

Ukraynanın desant-hücum briqadası Nikolayevə doğru hərəkət edən rus ordusunun kolonunu dayandırıb. Sursat daşıyan üç yük maşını, iki yanacaq sisterni və bir desant döyüş texnikası məhv edilib.

Teleqraf.com xəbər verir ki, bu barədə Ukrayna Silahlı Qüvvələri məlumat yayıb.

“Kəşfiyyatçıların və artilleriyaçıların koordinasiyalı tədbirləri nəticəsində rus ordusunun 3 yük maşını sursat, 2 yanacaq sisterni və desant döyüş maşını sıradan çıxarılıb. Hərbi texnikası və şəxsi heyətindən xeyli itki verən düşmən dayanmağa məcbur olub”, - açıqlamada deyilib.