21 May 15:28
1 057
12 Punto 14 Punto 16 Punto 18 Punto

Rusiya qoşunları Ukraynanın cənubunda işğal olunmuş ərazilərdə qazıntılar aparır, Ukrayna ordusu ilə uzun sürən döyüşlərə hazırlaşır.

Teleqraf.com xəbər verir ki, bu barədə Amerika Müharibə Araşdırmaları İnstitutunun hesabatında deyilir.

Analitiklər qeyd edirlər ki, Rusiya ordusu əsas diqqəti mövcud müdafiə xətlərinin gücləndirilməsinə və cənub oxunda əlavə müdafiənin yaradılmasına yönəldib.

"Bu, yəqin ki, Rusiya qoşunlarının Ukraynanın mümkün əks-hücumundan müdafiəyə hazırlaşdığını və Ukraynanın cənubunda uzun sürən əməliyyatlara hazırlaşdığını göstərir", - hesabatı hazırlayan ekspertlər bildirib.

Qeyd edək ki, Zaporojye vilayətinin Müdafiə Qüvvələrinin bölmələrindən birinin əsgərləri Qulyaipol ərazisində rus qoşunlarının hücumunu uğurla dəf edib.

Cənub istiqamətində Ukrayna ordusu 36 rus hərbçisini məhv edib. Bundan əlavə, ukraynalı müdafiəçilər 3 tankı uğurla "hərbisizləşdirdilər".


Müəllif: Nemət