Konqresi qarışdıran olay – Spikerin əri narkotik qəbul edib

ABŞ Konqresinin Nümayəndələr Palatasının spikeri Nensi Pelosinin həyat yoldaşı Pol Pelosi Kaliforniyada narkotikin təsiri altında avtomobil idarə etdiyi üçün saxlanılıb.

Teleqraf.com xəbər verir ki, bundan başqa, 82 yaşlı Pelosi avtomobil idarə edərkən sərxoş vəziyyətdə olub və bu səbəbdən müvafiq ittihamla həbsxanaya göndərilib.

Ötən həftənin şənbə günü həbs edilən Pelosinin bazar günü səhər saatlarınadək həbsxanada qaldığı və daha sonra sərbəst buraxıldığı bildirilib.

Həbs qeydlərinə görə, Pelosinin iki ittiham üzrə girovu 5000 dollar olaraq təyin edilib.

ABŞ mətbuatının yazdığına görə, Nümayəndələr Palatasının spikeri Nensi Pelosi bu gün sədrlik etdiyi iclasda Pol Pelosinin həbsi ilə bağlı danışmaqdan imtina edib.