Rusiyaya qarşı ikinci cəbhə Gürcüstanda açıla bilər - Müzakirələr başladı

Rusiyanın Ukraynanı işğalı davam edərkən, 2008-ci ildə Cənubi Osetiyada Rusiya ilə vuruşan Gürcüstanda müharibə ehtimalını da gündəmə gətirir.

Teleqraf.com-un məlumatına görə, ölkənin aparıcı siyasətçilərindən biri, parlamentin keçmiş sədri İrakli Kobahidze bildirib ki, Ukraynadan kənarda Rusiyaya qarşı yeni cəbhə açmaq mümkündür, lakin bunun üçün referendum keçirilməlidir.

Son günlər ölkənin şərqində sürətlə irəliləyən və bir çox yeri rus ordusundan geri alan Ukrayna Gürcüstana ikinci cəbhə açaraq onu Rusiyaya qarşı müharibəyə qoşulmağa çağırıb. Ukraynadakı bəzi rəsmilər bunun sürətlə geri çəkilən Rusiya ordusunu daha da zəiflədəcəyini bildiriblər.

Ukraynalı deputat Fedor Venislavski ötən ay gürcü mətbuatına bildirib ki, Tbilisinin Rusiyanın dəstəklədiyi Cənubi Osetiya və Abxaziyanı geri almaq şansı var.

2008-ci ildə Rusiya ilə Gürcüstan arasında Cənubi Osetiya müharibəsi kimi tanınan münaqişələr olub və Rusiyanın hərbi müdaxiləsindən sonra Moskvanın dəstəklədiyi Abxaziya və Cənubi Osetiya regionları Gürcüstandan birtərəfli müstəqillik elan edib. Rusiya 2008-ci ildə bu iki rayonun müstəqilliyini tanıdığı halda, Gürcüstan da öz növbəsində Rusiya ilə diplomatik əlaqələrini kəsib.

Gürcüstanın hakim “Gürcü Arzusu” partiyasının lideri, deputat İrakli Kobahidze Ukraynanın çağırışı ilə bağlı deyib: “Biz bu məsələ ilə bağlı referendum keçirib, xalqın Gürcüstanda Rusiyaya qarşı ikinci cəbhənin açılmasına dəstək olub-olmadığını öyrənə bilərik”.

“Hökumət olaraq buna qarşı olacaqlarını qeyd edən Kobahidze hələ də xalqın qərar verməsini istədiklərini bildirib və “Xalq istəsə, məsələni müzakirə edəcəyik” deyib.