Rus ordusunun bazası darmadağın edildi - Beş yöndə isə hücum dəf olundu

Ukrayna Müdafiə Qüvvələrinin bölmələri beş yaşayış məntəqəsi ərazisində Rusiya qoşunlarının hücumlarını dəf edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ukrana qoşunları Baxmut, Zaytsev, Avdeyevka, Nikolayevka Druqa və Novomıxaylovka yaşayış məntəqələri ərazilərində rus ordusunun hücumlarını dəf edib. Ruslar ağır itkilərlə geri çəkiliblər.

Qeyd olunur ki, Rusiya qüvvələri Donetsk vilayətini tam ələ keçirmək səylərini davam etdirir. Rusların hədəflərinə çatmaq üçün bu istiqamətdə öz qüvvələrini qruplaşdırdıqları, hava kəşfiyyatını gücləndirdikləri bildirilir.

Melitopol meri İvan Fedorov isə Zaporoje vilayətinin cənubundakı Moloçnı Liman ərazisində rus qoşunlarının hərbi bazasının məhv edildiyini açıqlayıb.