Yunanıstandan inanılmaz addım – Üzərində “Quran” yazılmış toplar...

Yunanıstanda üzərində ərəbcə “Quran” yazılmış futbol topları reaksiyaya səbəb olub.

Teleqraf.com xəbər verir ki, ölkənin müsəlman müftiliyinin (İskeçe) reaksiyasından sonra oyuncaq mağazalarında sözügedən futbol toplarının satışının dayandırılıb.

İskeçe müftisi Mustafa Trampa vəkili vasitəsilə istehsalçı firmanın rəhbərliyi ilə əlaqə saxlayıb və vəziyyətin qəbuledilməz olduğunu onların diqqətinə çatdırıb. Bundan sonra istehsalçı üzərində “Quran” yazılmış futbol toplarının satışının dayandırıldığını açıqlayıb.

Hadisə mətbuat və sosial şəbəkədə kəskin reaksiya ilə qarşılandıqdan sonra istehsalçı forma ictimaiyyətə açıqlama verməyə məcbur olub.

Afinada yerləşən “Star” firması mövzu ilə bağlı verdiyi açıqlamada dəri futbol toplarının bazardan çıxarıldığını bildirib. Firma bunun “səhv tərcümə” səbəbindən baş verdiyini iddia edib.