İlanın qarnını yardılar, içindən çıxanlar... - 54 yaşlı qadının başına gələn şok hadisə

İndoneziyada rezin toplamaq üçün meşəyə gedən və 6 metrlik pitonun hücumuna məruz qalan qadın 2 günlük axtarışdan sonra ilanın mədəsindən çıxarılıb.

Teleqraf.com xəbər verir ki, İndoneziyanın Cambi əyalətində 54 yaşlı Jarrah adlı qadın rezin toplamaq üçün meşəyə getdikdən sonra yoxa çıxıb.

Qadından xəbər alınmadıqdan sonra bölgədə axtarış-xilasetmə işlərinə başlanılıb. İki günlük axtarışdan sonra qruplar meşədə qarnı şişmiş 6 metr uzunluğunda piton tapıblar. Müayinələrdən sonra qadının cəsədinin ilanın mədəsində olduğu müəyyən edilib.

Axtarış qrupunun rəsmi açıqlamasında deyilir: “Qurban cümə günü ağaclardan rezin toplamaq üçün meşəyə gedib. Qadından heç bir xəbər olmayanda ailəsi onun itkin düşdüyünü yerli hakimiyyət orqanlarına bildirib. Həmin vaxtdan ərazidə axtarışlar aparılır. Aparılan araşdırmalardan sonra məlum oldu ki, axtardığımız qadın ilanın qarnında imiş”.