Kadırov “cihad” elan etdi – “Allaha and olsun ki, yerlə-yeksan edəcəyik”

Çeçenistan lideri Ramazan Kadırov sosial şəbəkələrdəki sensasion açıqlamalarına yenisini əlavə edib.

Teleqraf.com xəbər verir ki, Kadırov Rusiyanın Ukraynadakı müharibəsini “Şeytana sitayiş edən satanistlərə qarşı cihad” adlandırıb.

“Sərhədlərimiz Xarkovla bitmir: Kiyev, Odessa, Lvov... Bütün Ukrayna bizimdir. Hər şəhəri yerlə-yeksan edəcəyik. Hər qarış torpağı zəbt edəcəyik. Allaha and olsun, bu stanistlərə qarşı cihaddır”, - Çeçenistan lideri bildirib.

Kadırov Rumıniya-Ukrayna sərhədində yerləşən ABŞ-ın 101-ci Hava Desant Diviziyasına meydan oxuyub:

“Ukrayna sərhədinə gələn Amerika hərbçiləri var. Kişisinizsə, qarşıma çıxın”.