Ukrayna ordusu Zaporojeni vurdu - Rus qoşunları ağır itki verdi

Ukraynanın müdafiə qüvvələri Zaporoje vilayətinin Zeleni Yar qəsəbəsində rus işğalçılarının canlı qüvvəsi və hərbi texnikasının cəmləşdiyi əraziləri atəşə tutub.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Məlumata görə, Rusiya qüvvələri zərbələr nəticəsində 2 yük maşınını, 20-dən çox canlı qüvvəsini itirib.

“Düşmən Novopavlovsk və Zaporoje istiqamətlərində müdafiəni davam etdirir. Müdafiə Qoşunlarının mövqelərini və Donetsk vilayətinin Vuqledar, Preçistivka, Neskuçne, Vremivka, Zelene Pole yaşayış məntəqələri və Zaporijenin Olxivsk, Qulyapilsk və Çarivn rayonlarını tanklardan, minaatanlardan və reaktiv artilleriyasından atəşə tutub. Rus işğalçıları Vuqledara hava zərbəsi endirib”, - Baş Qərargah bildirib.