Rusiyadan iddia: “İran bu zərbələrin qisasını ala bilər”

“İran İsfahandakı hərbi obyektlərinə dronlarla zərbə endirilməsinə cavab verə bilər ki, bu da Yaxın Şərqdə gərginliyin artmasına səbəb olacaq”.

Teleqraf.com xəbər verir ki, bunu KTMT-nin baş qərargah rəisi, general Anatoli Sidorov mətbuat konfransı zamanı deyib.

“Yanvarın sonunda İranın hərbi və infrastruktur obyektlərinə qarşı pilotsuz uçan aparatlarla təxribat və ya zərbələr İranın qisas almasına səbəb ola bilər ki, bu da regionda gərginliyin artmasına səbəb olacaq”, - rusiyalı general bildirib.

Yanvarın sonunda İranın İsfahan şəhərindəki bir sıra hərbi obyektlərinə hava zərbələri endirilib. Əməliyyatda PUA istehsal edilən zavid da hədəfə alınıb. İran baş verənlərə görə İsraili ittiham edib.