Daha bir ölkədə naməlum obyekt görüldü - Qırıcılar havaya qaldırıldı

Rumıniya Hərbi Hava Qüvvələrinin müşahidə sistemi səmada hava şarına bənzəyən obyekt aşkar edib.

Teleqraf.com xəbər verir ki, ABŞ və Kanadanın ardınca Rumıniya da hava məkanında şübhəli obyekt aşkarlayıb.

Rumıniya Müdafiə Nazirliyindən verilən açıqlamada şübhəli obyektin 11 min fut yüksəklikdə uçduğu bildirilib:

"Şübhəli obyektin aşkarlanmasından sonra 2 ədəd MiG 21 LanceR tipli döyüş təyyarəsinin havaya qalxıb, döyüş təyyarələri obyektin aşkar edildiyi əraziyə 10 dəqiqə sonra çatıb. Döyüş təyyarələri hədəf və ya radar təsdiqi ilə vizual təmas qura bilmədikdə, bazaya qayıtmadan əvvəl bölgədə 30 dəqiqə uçub".

Qeyd edək ki, son günlər dünyanın müxtəlif yerlərində 4 nməlum obyekt aşkar edilib.