İŞİD Liviyada neft limanını bombardman edib

Liviyada “İŞİD” terror təşkilatının silahlıları neft limanını raketlərdən bombardman edib, nəticədə ərazidə güclü yanğın baş verib.

Teleqraf.com-un “Gazeta.ru”-ya istinadən verdiyi xəbərə görə, Liviyanın ən iri limanını bombardman edən silahlılar katerlə hərəkət ediblər.

Qeyd edək ki, bu son həftə ərzində silahlıların limana ikinci hücumudur.

Dekabrın 25-də silahlıların limana hücumu nəticəsində 19 hərbçi həlak olub. Hücum zamanı silahlıların atdığı raket tankerlərdən birini sıradan çıxarıb.