Pakistanda partlayış - Ölənlər var

Martın 14-də axşam Pakistanın cənub-qərbindəki Bəlucistan əyalətində baş verən partlayış nəticəsində ən azı iki nəfər ölüb, 8 nəfər yaralanıb.

Teleqraf.com xəbər verir ki, olay regionun mərkəzi hissəsində yerləşən Xuzdar şəhərində baş verib. Partlayıcı qurğu maqnitlərlə mülki avtomobilə bərkidilib və uzaqdan işə salınıb. Polisin məlumatına görə, hücumun hədəfi partlayış zamanı avtomobildə olan yerli tacir ola bilər.

Hələlik bölgədə fəaliyyət göstərən radikal qruplaşmalardan heç biri hücuma görə məsuliyyəti üzərinə götürməyib