Meksika prezidenti "persona non qrata" elan olundu

Peru Konqresinin (Parlamenti – Red) Beynəlxalq Əlaqələr Komissiyası Meksika prezidenti Andres Manuel Lopez Obradorun Cənubi Amerika respublikasının hakimiyyətini tənqid etdiyinə görə onun “persona non qrata” (arzuolunmaz şəxs) elan edilməsi ilə bağlı qərar qəbul edib.

Teleqraf.com xəbər verir ki, bu barədə parlamentin tviter səhifəsində məlumat yerləşdirilib.

Qeyd olunub ki, 11 lehinə səslə Beynəlxalq Əlaqələr Komissiyası Meksika prezidenti Andres Manuel Lopez Obradorun bəyanatlarını pisləyən və onu “persona non qrata” elan edən qətnaməni təsdiqləyib.

İndi təşəbbüsə Konqresin plenar iclasında baxılmalıdır. Bu ilin fevralında Peru parlamenti Kolumbiya prezidenti Qustavo Petronu “persona non qrata” elan edib.