Bolqarıstan vətəndaşlarına Rusiyaya getməmək barədə xəbərdarlıq edildi

Bolqarıstan Xarici İşlər Nazirliyi öz vətəndaşlarına Rusiyaya səfərin təhlükələri barədə xəbərdarlıq edib.

Teleqraf.com xəbər verir ki, bu haqda Bolqarıstan Xarici İşlər Nazirliyi bəyanat yayıb.

“Xarici İşlər Nazirliyi Bolqarıstan vətəndaşlarına Rostov vilayətində hərbi gərginlik və ölkədə iğtişaş riski ilə bağlı məlumatla əlaqədar ölkəyə səfərlərdən çəkinməyi tövsiyə edir. Rusiya Federasiyasının ərazisində mövcudluğunuz müstəsna əhəmiyyət kəsb etmirsə, planlarınızı dəyişdirməyi tövsiyə edirik”, - deyə məlumatda qeyd olunub.