Rus ordusundan beş istiqamətdə həmlə – Ukrayna keçidə imkan vermədi

Rusiya qoşunları beş istiqamətdə irəliləməyə çalışsalar da, məqsədlərinə nail ola bilməyiblər.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Rusiya ordusu əsas səylərini Liman, Baxmut və Marin istiqamətlərinə yönəldib. Son sutka ərzində bu istiqamətlərdə 36 hərbi toqquşma baş verib.

Ruslar Siverski və Slobojanski istiqamətlərində Zeleniyə hücum ediblər. Kupyan istiqamətində Krivoşiyevka şəhərinin qərbinə hücum əməliyyatları keçirilsə də, nəticə əldə olunmayıb. Bu istiqamətdə Kislivka və Kotlyarivkaya hava zərbələri endirilib.

Rusların Limana, Baxmut istiqamətində Minkivka, Qriqorivka və Boqdanivkaya hücumları da nəticəsiz bitib. Avdiv və Marin şəhərlərini tutmaq cəhdləri də nəticə verməyib.

Rusiya ordusu Zaporoje və Xerson istiqamətlərində əsas səylərini Ukrayna qoşunlarının irəliləməsinin qarşısını almağa yönəldib.

Bundan başqa, Ukrayna aviasiyası Rusiyanın şəxsi heyətinin cəmləşdiyi ərazilərə 8 zərbə endirib. Nəticədə rusların 6 kəşfiyyat PUA-sı məhv edilib.

“Gün ərzində raket qoşunlarının və artilleriya bölmələri 2 idarəetmə məntəqəsini, 3 şəxsi heyətin və hərbi texnikanın cəmləşdiyi ərazini, 4 silah-sursat anbarını, 1 radioelektron stansiyasını, atəş mövqelərində 10 artilleriya qurğusunu və daha 3 düşmən hədəfini vurub”, - məlumatda deyilir.