Almaniya Ukraynaya əlavə hərbi texnika göndərdi

Almaniya Ukraynaya yeni hərbi texnika tədarük edib.

Teleqraf.com xəbər verir ki, müvafiq sənəd Bundestaqın saytında yerləşdirilib.

Siyahıya əsasən, Ukraynaya son bir həftə ərzində iki minatəmizləmə tankı təhvil verilib. T-72 tankları üçün 11 mina əleyhinə avadanlıq gətirilib.

Almaniya Danimarka və Norveçdən Ukraynaya iki "Zuzana 2" özüyeriyən haubitsasının təhvil verildiyini təsdiqləyib.

Bununla yanaşı, Ukraynaya 40 "Marder" piyada döyüş maşını, altı "Bergepanzer-2" zirehli texnikası, yeddi mobil, uzaqdan idarə olunan minatəmizləmə sistemi, beş "SurveilSPIRE" mobil kəşfiyyat sistemi daxil olub.