Peskov qalmaqallı açıqlamadan sonra görünmür

Rusiya prezidentinin sözçüsü Dmitri Peskov üç həftədir ki, ictimaiyyət arasında görünmür.

Teleqraf.com xəbər verir ki, bu barədə Rusiyanın “Brief” nəşri məlumat yayıb.

Peskovun jurnalistlər üçün sonuncu brifinqi avqustun 4-də keçirdiyi vurğulanır.

“Rusiya prezidentinin mətbuat katibi “The New York Times” qəzetinə verdiyi müsahibəsində “Rusiyada prezident seçkisi əsl demokratiya deyil, bahalı bürokratiyadır” dedikdən sonra ictimai sahədən yoxa çıxıb”, - deyə nəşr “Telegram” kanalında iddia edir.

Qeyd edək ki, Peskov amerikalı jurnalistin onun sözlərini təhrif etdiyini bildirmişdi.