Kiyev yeni kreditlər götürəcək: 30 il sonra isə...

Ukrayna prezidenti Vladimir Zelenski Qərbin Ukraynanın xarici borcunun restrukturizasiyasına ümid etdiyini bildirib.

Teleqraf.com xəbər verir ki, o, bu barədə Ukraynanın "Rada" telekanalına müsahibəsində bildirib.

O qeyd edib ki, Avropa İttifaqı artıq Ukraynaya 50 milyard avro ayırıb, lakin bu, ölkə iqtisadiyyatını bərpa etmək üçün kifayət deyil, ona görə də Kiyev yeni kreditlər götürəcək. Eyni zamanda, Zelenski onların əhəmiyyətli hissəsinin 30 ildən sonra ödənilməli olacağına diqqət çəkib.

Zelenskinin sözlərinə görə, hərbi əməliyyatlar kontekstində ölkənin təhlükəsizliyi bir sıra enerji obyektlərinin "xüsusi mülkiyyətə hörmətlə yanaşılmaqla" milliləşdirilməsini tələb edəcək.

"Statista" beynəlxalq statistik portalı bildirir ki, 2023-cü ilin avqust ayına Ukraynanın dövlət borcu 161,94 milyard dollar təşkil edir.