Zelenski Makronla taxıl dəhlizini müzakirə etdi

Ukrayna prezidenti Vladimir Zelenski fransalı həmkarı Emmanuel Makron ilə telefonla təhlükəsizlik məsələlərini və taxıl dəhlizinin fəaliyyətini müzakirə edib.

Teleqraf.com xəbər verir ki, Zelenski bu barədə X sosial şəbəkəsindəki (keçmiş Twitter) səhifəsində yazıb.

"Biz taxıl dəhlizinin fəaliyyətinin təmin edilməsi və Odessa vilayətinin təhlükəsizliyinin yaxşılaşdırılması yollarını müzakirə etdik", - deyə yazıb.

Zelenski ənənəvi olaraq Fransaya hərbi yardıma görə təşəkkür edib və Makronla Fransa şirkətlərinin qarşıdan gələn Ukrayna Müdafiə Sənayesi Forumunda iştirak edəcəyinə razılaşıb. Həmsöhbətlər həmçinin “ikitərəfli təhlükəsizlik təminatları üzrə” danışıqlara başlamağa razılaşıblar.