Ukrayna ordusundan uğurlu həmlə - İki istiqamətdə irəliləyirlər

Ukrayna müdafiə qüvvələri Baxmut və Melitopol istiqamətlərində hücum əməliyyatını davam etdirir.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

“Ukrayna qüvvələri Robotin-Novoprokopivka istiqamətində uğur qazanıblar, çatdıqları xətlərdə möhkəmləniblər, müəyyən edilmiş düşmən hədəflərini artilleriya atəşinə tuturlar”, - məlumatda deyilir.

Baş Qərargah qeyd edib ki, Ukrayna ordusu Baxmut istiqamətində şəhərin cənubunda hücum əməliyyatlarını davam etdirir. Bu istiqamətdə də irəliləyişin olduğu bildirilib.