Ukraynanın şərqində və cənubunda ağır vəziyyət: 39 toqquşma baş verdi

Hücum əməliyyatlarını davam etdirən Ukrayna ordusu Baxmutun cənubunda uğur qazanıb, yeni mövqelərdə möhkəmlənib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

“Müdafiə qüvvələri Baxmut istiqamətində Orixovo-Vasilivka yaxınlığında düşmənin hücumlarını dəf edib. Eyni zamanda, hücum əməliyyatları nəticəsində qüvvələrimiz Baxmutun cənubunda uğur qazanıb, düşməni işğal olunmuş mövqelərdən sıxışdırıb çıxarıblar və burada möhkəmləniblər”, - məlumatda bildirilir.

Həmçinin, Ukrayna ordusu Liman və Avdivdə rusların hücumlarını dayandırıb. Ukraynalılar hazırda şiddətli döyüşlərin davam etdiyi Marin istiqamətində rus qoşunlarının irəliləməsinə mane olur.

“Eyni zamanda, Ukrayna müdafiə qüvvələri Melitopol istiqamətində hücum əməliyyatını davam etdirir, işğal olunmuş əraziləri addım-addım azad edir”, - Baş Qərargahın məlumatında deyilir.

Son sutka ərzində bütün cəbhə xətti boyu ümumilikdə 39 toqquşma baş verib.

Ukraynanın şərqində və cənubunda əməliyyat vəziyyəti ağır olaraq qalır.