Xüsusi əməliyyat: Ölkənin ən nüfuzlu kriminal avtoriteti öldürüldü

Tanınmış qırğız kriminal avtoritet Kamçı Asanbek Bişkekin mərkəzində keçirilən xüsusi əməliyyat zamanı öldürülüb.

Teleqraf.com xəbər verir ki, bu barədə Qırğızıstan Dövlət Təhlükəsizlik Xidməti (DTX) məlumat yayıb.

“Aparılan əməliyyat-istintaq tədbirləri zamanı K.Asanbekin yeri müəyyən edilib. Sonuncu DSX əməkdaşlarının qanuni tələblərinə məhəl qoymayaraq, odlu silahdan istifadə etməklə silahlı müqavimət göstərib”, - məlumatda deyilir.

Kriminal avtoritet təhlükəsizlik qüvvələrinin cavab atəşi ilə öldürülüb.

Kamçı Asanbek (əsl adı Kamçıbek Kolbayev) MDB-nin kriminal aləmində “Kolya Kırqız kimi tanınırdı.

ABŞ Dövlət Departamenti 2007-ci ildə Kolbayevi ölkədə “ən nüfuzlu kriminal qruplaşmanın lideri” adlandırıb. 2008-ci ilin aprelində Moskvada Rusiya “oğru dünyası”nın liderləri tərəfindən “taclandırılıb”.